اسلامي فوجي اتحاد جي سربراهي جي سلسلي ۾ راحيل شريف حڪومت کان اجازت ناهي ورتي: خواجا آصف


 اربع ۱۱ جنوري ۲۰۱۷    ۲ مھينا پھريان     ۵۹   اسلام آباد   پرنٽ ڪيو
خواجا آصف ۽ راحيل شريف (فاٸيل فوٽو)

رپورٽ :   ويب ڊيسڪ  : اسلامي فوجي اتحاد جي سربراهي جي سلسلي ۾ راحيل شريف حڪومت کان اجازت ناهي ورتي، اهڙن خيالن جو اظهار دفاع واري وفاقي وزير خواجا محمد آصف ڪيو آهي، سندس چوڻ آهي ته اڳوڻي چيف آف آرمي اسٽاف جنرل (ر) راحيل شريف پاران ٻاهرئين ملڪ نوڪري لاءِ اين او سي جاري ڪرڻ يا ڪليئرنس بابت دفاع واري وزارت کي اڃا تائين ڪا باضابطا درخواست ناهي ملي، جيڪڏهن ڪا درخواست آئي ته قانون ۽ رولز موجب فيصلو ڪيو ويندو. اربع ڏينهن سينيٽ جي اجلاس دوران ان معاملي تي بيان ڏيندي هن چيو ته رٽائرڊ فوجي آفيسرن جي ٻيهر نوڪري بابت دفاع واري وزارت جا رولز موجود آهن ۽ اندرئين ملڪ نوڪري لاءِ ان سلسلي ۾ دفاع واري وزارت کان اين او سي جي ضرورت هوندي آهي پر ٻاهرئين ملڪ نوڪري جو انهن رولز ۾ ذڪر نه آهي. هن چيو ته جنرل (ر) راحيل شريف سعودي حڪومت جي دعوت تي عمري جي ادائيگي لاءِ سعودي ويو هو جتان هو واپس اچي ويو آهي. عمري جي ادائيگي جي حوالي سان هن اطلاع ڏني هئي، جنرل (ر) راحيل شريف واپس اچي به جي ايڇ ڪيو يا دفاع واري وزارت کي ڪنهن به قسم جي آڇ جي حوالي سان ناهي ٻڌايو. هن چيو ته اين او سي جي حوالي سان جيڪڏهن ڪنهن قسم جي درخواست ملي ته ايوان کي آگاهه ڪيو ويندو. سينيٽ چيئرمين جي پڇڻ تي پرڏيهي صلاحڪار سرتاج عزيز چيو ته جيئن ته جنرل (ر) راحيل شريف پاران ٻاهرئين ملڪ نوڪري لاءِ اين او سي بابت ڪا درخواست ناهي ملي، ان لاءِ ان معاملي تي ڪجهه نه ٿو چئي سگهجي.