سندھ میں 42ہزار افراد ایڈز کے مرض میں مبتلا ،سندھ ایڈز پروگرام کی رپورٹ میں انکشاف


 ہفتہ ۱۸ مارچ ۲۰۱۷    ۴ ماہ پہلے     ۳۱     کراچی   پرنٹ نکالیں
(فائل فوٹو)

رپورٹ    ویب ڈیسک   :کراچی:سندھ ایڈز کنٹرول پروگر ام کی رپورٹ میں انکشاف ہوا ہے کہ سندھ میں 42ہزار افراد ایڈز کے مرض میں مبتلا ہیں ۔ سندھ ایڈز کنٹرول پروگرام کی رپورٹ کے مطابق کراچی میں ایڈز سے متاثرہ افراد کی تعداد سب سے زیادہ ہے جہاں 2015تک 8ہزار 58لوگ ایچ آئی وی کے مرض میں مبتلا تھے ۔رپورٹ میں کہا گیا ہے کہ ایڈز کے مریضوں کی شرح 8.3سے بڑھ کر 17.7تک جا پہنچی ہے ۔اس حوالے سے سندھ ایڈز کنٹرو پروگرام کے مینجر ڈاکٹر یونس چاچڑ نے کہا ہے کہ ایڈز سے بچاﺅ کے لیے فوری طبی امداد دے رہے ہیں ۔انہوں نے کہا کہ ایڈز سے بچاﺅ سے آگاہی کے لیے مختلف پروگرام جاری ہیں اور علاج کے لیے سول ہسپتال کراچی اور لاڑکانہ میں سینٹرز قائم ہیں ۔ڈاکٹر یونس چاچڑ نے مزید کہا کہ ایڈز سے بچاﺅ کے لیے قانون سازی بھی کی گئی ہے ۔