مکہ میں دنیا کا سب سے بڑا ہوٹل تیار،رواں سال عوام کے لئے کھول دیا جائیگا


 پير ۱۷ اپريل ۲۰۱۷    ۲ ماہ پہلے     ۱۲۲     ریاض   پرنٹ نکالیں
یہ ہوٹل 10 ہزار کمروں پرمشتمل ہے جبکہ 14 لاکھ سکوائر میٹرز پر پھیلا ہوا ہے (فائل فوٹو)

رپورٹ    ویب ڈیسک   :ریاض: دنیا کا سب سے بڑا ہوٹل مکہ مکرمہ میں رواں سال عوام کے لیے کھول دیا جائے گا،یہ ہوٹل جسے ابراج کدائی کا نام دیا گیا ہے،10 ہزار کمروں پر مشتمل ہوگا جبکہ یہ 14 لاکھ سکوائر میٹرز پر پھیلا ہوا ہوگا۔دس ہزار کمروں کے ساتھ اس ہوٹل میں 70 ریسٹورنٹس،ایک بڑا شاپنگ مال اور پرتعیش بال روم بھی ہوگا،اس ہوٹل کی تعمیر پر سعودی حکومت کی جانب سے 3.5 ارب ڈالرز (تین کھرب 65 ارب پاکستانی روپوں سے زائد) خرچ کیے جائیں گے۔اس ہوٹل کی تعمیر کے لیے سرمایہ سعودی وزارت خزانہ نے فراہم کیا جبکہ اس کا ڈیزائن ایک بین الاقوامی کمپنی دارالاہندسہ نے تیار کیا ہے،یہ ہوٹل دنیا کی سب سے بڑی مسجد، مسجد الحرام سے دو کلو میٹر دور واقع ہوگا جہاں حج یا عمرہ کے لیے ہر سال لاکھوں مسلمان دنیا بھر سے آتے ہیں۔یہ ہوٹل عوام کے لیے کھولا جائے گا مگر اس کی پانچ منزلیں سعودی شاہی خاندان کے لیے مخصوص ہوں گی،ہوٹل اتنا بڑا ہوگا کہ اس کے حجم کے سامنے بیشتر شہر یا قصبے بھی چھوٹے محسوس ہوں گے۔اس ہوٹل میں 12 ٹاورز ہوں گے جن میں سے 10 میں 4 سٹار ہوٹل کی آسائشات فراہم کی جائیں گی جبکہ دو میں فائیو سٹار سہولیات ہوں گی اور وہ اہم افراد کے لیے مخصوص ہوں گے۔