اسلام آباد: پاڪستان سميت سڄي دنيا ۾ اڄ مائرن جو عالمي ڏينهن ملهايو پيو وڃي. سڄي ملڪ ۾ اڄ ماءُ جي عظمت جي حوالي سان سرڪاري ۽ غيرسرڪاري سطح تي تقريبون ٿي رهيون آهن جن ۾ ماءُ جي ممتا کي خراج تحسين پيش ڪيو پيو وڃي. مدرز ڊي تي ٻار پنهنجين مائرن لاءِ نيڪ جذبن جو اظهار ڪندي انهن کي تحفا ڏيندا. واضح رهي ته گڏيل قومن جي چارٽر مطابق ۱۹٦۷ع کان هر سال مئي جي ٻئي آچر تي سمورن ميمبر ملڪن ۾ مائرن جي عظمت، انهن جي اهميت ۽ افاديت ۽ سندن حقن کي اجاگر ڪرڻ لاءِ ورلڊ مدرز ڊي ملهايو ويندو آهي.