پڙهائي جو خرچ پورو ڪرڻ لاءِ شوبز انڊسٽري ۾ ڪم ڪيو: زالي سرحدي
لاهور: (اربع 01 جولاءِ 2020ع) پاڪستاني فلمن ۽ ڊرامن جي مشهور اداڪاره زالي سرحدي چيو آهي ته پڙهائي جو خرچ پورو ڪرڻ جي لاءِ شوبز انڊسٽري کي جوائن ڪيو.
هن چيو ته پڙهائي جو خرچ پورو ڪرڻ جي لاءِ اداڪاري شروع ڪئي. پر ڪڏهن سوچيو به نه هو ته فل ٽائم هي ڪم ڪندس. اداڪاري کي هميشه سنجيده ڪم سمجهيو. فلم جليبي ۾ آئٽم سونگ به ڪيو پر ان ۾ به پاڪستاني ڪلچر موجب ڪپڙا پاتا.
هن چيو ته اهڙي ڪردارن جي چونڊ ڪندس جنهن ۾ ايڪٽنگ جو مارجن وڌيڪ هو. اهڙو ڪم سٺو ناهي لڳندو جنهن ۾ صرف وارن جي منفرد انداز ۽ اعليٰ ميڪ اپ جي تعريف ڪئي وڃي. باصلاحيت فنڪاره زالي سرحدي هڪ سوال جي جواب ۾ ٻڌايو ته پنهنجي شخصيت جي مختلف ڪردار ادا ڪرڻ وڌيڪ سٺو لڳندو آهي.
بالي ووڊ ۽ هالي ووڊ جي سپر اسٽارن سان منهنجي شڪل ملائي ويندي آهي چيو ويندو آهي ته مان پريانڪا چوپڙا ۽ ڊمپل ڪپاڊيا جي هم شڪل آهيان. هن چيو ته مان ان ڳالهين تي وڌيڪ ڌيان ناهيان ڏيندي. پنهنجي صلاحيتن جي بنياد تي شو بز جي دنيا ۾ اڳيان وڌي رهيا آهن. باوجود ان جي ته منهنجي ڏاڏي ۽ چاچا شوبز انڊسٽري ۾ تمام گهڻو نالو ڪمايو.
اداڪاره چيو ته مان فلم رام چند پاڪستان ۾ ڀارتي فلمن جي مشهور اداڪاره ننديتا داس سان گڏ ڪم ڪيو پر مان اڄ تائين هي فلم ناهي ڏٺي ان فلم ۾ منهنجي ڪردار کي ڪافي ڪٽيو ويو هو. اداڪاره وڌيڪ چيو ته فلمن سان گڏوگڏ ڪيترن ئي ڊرامن ۾ به ڪم ڪيو. ڊرامه سيريل اڙان منهنجو پسنديده ڊرامو آهي منهنجي ٻين ڊرامن ۾ بيوفا، ورهاست، قسمت کا لکها، نيلم ۽ عڪس ۽ ٻيا ڊراما شامل آهن.
تازه ترين