ثنا جاويد پاران ڊاڪٽرن، نرسن ۽ پيرا ميڊيڪل اسٽاف کي خراج تحسين پيش
لاهور: (اربع 08 جولاءِ 2020ع) پاڪستان جي خوبصورت اداڪاره ثنا جاويد فيشن ڊيزائنر عاصم جوفا جي تيار ڪيل پي پي اي ڪٽ پائي ڊاڪٽرن، نرسن ۽ پيرا ميڊيڪل اسٽاف کي خراج تحسين پيش ڪيو آهي.
ميڊيا رپورٽ موجب اداڪاره تصوير جي ڪيپشن ۾ لکيو آهي ته 2 ڪلاڪن جي فلائٽ لاءِ مان هي ڪٽ پاتي ۽ حيران ٿي ويس هن سخت گرمي ۾ عالمي وبا سان وڙهندڙ فرنٽ لائن جا ڪارڪن، ڊاڪٽر ۽ طبي عملو سڄو ڏينهن هن ڪٽ کي ڪيئن پائين ٿا.
هن ڊاڪٽرن، نرسن ۽ پيرا ميڊيڪل اسٽاف کي خراج تحسين پيش ڪندي لکيو آهي ته مان ان سمورن ماڻهن جي ڪاوشن، محنت ۽ قربانين تي کين سلام پيش ڪريان ٿي. ثنا جاويد عوام کي اپيل ڪئي آهي ته هو ايس او پيز جي پيروي ڪن ته جيئن ڪورونا وبا کان محفوظ رهي سگهن.
تازه ترين