ڪڪڙ ۾ پيرسن ڳوٺاڻي پاران بااثرن جو زمين تي مبينا قبضي ۽ پوليس جي ناجائزين خلاف احتجاج
ڪڪڙ: ڪڪڙ جي ڳوٺ بچل آرائين واسي پيرسن ولي محمد آرائين پريس ڪلب پهچي بااثرن پاران زمين تي مبينا قبضي ڪرڻ ۽ ڪڪڙ پوليس تي ڌر هجڻ تي سخت احتجاج ڪندي دانهيندي چيو ته ديهه عيسو ناريجو ۽ ديهه ريتي ۾ منهنجي 62 جريب زمين جيڪا 8 بلاڪ کان کرڙي ديه تائين 32 بلاڪ اي 35 تائين منهنجي ابي امان جي نالي تي زمين آھي جنهن جي اسان ڪمداري غلام نبي بروهي ۽ سنڀالو مرحوم جان محمد بروهي کي ڏنو پر بااثر اسان جي زمين تي قبضو ڪري ويهي رهيا ۽ اسان تي ڪوڙا ڌاڙن ۽ اغوا جا ڪيس داخل ڪري اسان کي بيگناهه ڦاسائي جيلن ۾ لوڙايو.
آئون پيرسن گذريل 10 سالن کان احتجاج ڪندو ٿو اچان پر ڪوبه کڙتيل نه ٿو نڪري، اسين دربدر واري زندگي گذاريون پيا. آئون ايس ايس پي دادو ۽ ٻين کان مطالبو ٿو ڪيان ٿو ته خدارا مون پيرسن جي احتجاج جو نوٽيس وٺي بااثرن تي ڪيس داخل ڪري زمين جو قبضو ڇڏرائي مون سان انصاف ڪيو وڃي.
تازه ترين