ڄامشورو (پ ر) سنڌ يونيورسٽي ڄامشورو جي سالياني امتحانن واري ڪنٽرولر پروفيسر ڊاڪٽر سراج الحق ڪانڌڙو پنهنجي هڪ پڌرائي ۾ ڄاڻايو آهي ته فائنل پروفيشنل ايم بي بي ايس باءِ اينوئل (ڇهه ماهي) امتحان 2019ع هلندڙ مهيني جي 23 تاريخ کان انڊس ميڊيڪل ڪاليج ٽنڊو محمد خان ۾ منعقد ٿيندا.
پڌرائي موجب گائناڪالاجي جو پرچو 23 فيبروري ۽ آبسٽيٽرڪس جو پرچو 24 فيبروري تي ورتو ويندو، جڏهن ته ڄاڻايل ٻنهي مضمونن جا پريڪٽيڪل 25 ۽ 26 فيبروري تي ترتيبوار ورتا ويندا.
پڌرائي موجب انڊس ميڊيڪل ڪاليج ٽنڊو محمد خان ۾ شروع ٿيندڙ امتحانن دوران ڪورونا ايس او پيز تي عمل يقيني بڻايو وڃي.