اسحاق ڊار جڏهن چاهي ملڪ اچي ڪنهن به عهدي تي ويهي سگهي ٿو: وفاقي گهرو وزير
اسلام آباد(آن لائين انڊس، 28 جون، 2022ع)وفاقي گهرو وزير راڻا ثناءُ الله چيو آهي ته اسحاق ڊار جڏهن به چاهي جنهن به عهدي تي اچي ويهي سگهي ٿو، پنجاب ۾ ٿيندڙ ضمني چونڊن ۾ نواز ليگ جا اميدوار ڪامياب ٿيندا.
هڪ انٽرويو ۾ وفاقي گهرو وزير راڻا ثناءُ الله جو چوڻ هو ته پجاب ۾ ٿيندڙ ضمني چونڊن جي نگراني مريم نواز ڪري رهي آهي، ضمني چونڊن دوران 20 مان 16 سيٽن تي نواز ليگ ڪامياب ٿي ويندي، عمران خان ملڪ ۾ فساد ڪرائڻ لاءِ هر وقت تيار آهي، مزاحمت جو ووٽ عمران خان ۽ ان جي فراڊي ساٿين کي نه ملندو.
راڻا ثناءُ الله وڌيڪ چيو ته ملتان ۾ شاهه محمود قريشي ڀلي ڪيترو به وس هلائي پر چونڊ واري ڏينهن هو هار کائي گهر ويندو، اسحاق ڊار جڏهن چاهي جنهن به عهدي تي اچي ويهي سگهي ٿو.
تازه ترين
