نيوزي لينڊي ڪرڪيٽ ٽيم پاڪستان جو دورو ڪرڻ جي تصديق ڪري ڇڏي
لاهور(آن لائين انڊس، 28 جون، 2022ع)نيوزي لينڊ ڪرڪيٽ بورڊ پاڪستان جو دورو ڪرڻ جي تصديق ڪري ڇڏي، ڀارت خلاف هوم سريز کيڏڻ کانپوءِ نيوزي لينڊ ڪرڪيٽ ٽيم هلندڙ سال جي آخري ۽ ايندڙ سال جي شروع واري مهيني ۾ پاڪستان جو دورو ڪندي.
جاري ڪيل پڌرنامي موجب نيوزي لينڊ ڪرڪيٽ بورڊ پاڪستان ۾ ڪرڪيٽ سيريز کيڏڻ جي حامي ڀري ڇڏي آهي، پڌرائي ۾ چيو ويو آهي ته نيوزي لينڊ ڪرڪيٽ ٽيم ڀارت خلاف هوم سيريز کيڏڻ کانپوءِ 2022ع ۽ جنوري 2023ع ۾ پاڪستان جو دورو ڪندي.
پڌرائي ۾ وڌيڪ چيو ويو آهي ته نيوزي لينڊ ڪرڪيٽ ٽيم پاڪستان خلاف 2 ٽيسٽ ۽ 3 ون ڊي ميچون کيڏندي پر سيريز جو شيڊيول اڃان تائين جاري ناهي ڪيو ويو.
ياد رهي ته نيوزي لينڊ ۽ ڀارت وچ ۾ وائيٽ بال سيريز 30 نومبر تي ختم ٿيندي، جنهن کانپوءِ نيوزي لينڊي ڪرڪيٽ ٽيم پاڪستان جو دورو ڪندي.
تازه ترين
