مفتاح اسماعيل کي ٽي وي تي اچي پيٽروليم شين جا اگهه وڌائڻ واري اعلان ڪرڻ تي پڇتاءُ
اسلام آباد(آن لائين انڊس، پهرين جولائي، جمعو، 2022ع) ناڻي واري وفاقي وزير مفتاح اسماعيل چيو آهي ته مونکي ٽيليويزن تي اچي پيٽروليم شين جي اگهن ۾ واڌ جو اعلان نه ڪرڻ گهرجي ها، منهنجو ڪو ٻيو ساٿي اعلان ڪري ها ته بهتر هو.
جاري ڪيل بيان ۾ ناڻي واري وفاقي وزير مفتاح اسماعيل چيو ته ڪل شام جو مونکي ٽي وي تي اچي پيٽروليم شين ۾ واڌ جو اعلان نه ڪرڻ گهرجي ها، وزيراعظم شهباز شريف فيصلو ڪيو ته مونکي ۽ مصدق ملڪ کي پيٽروليم شين جي اگهن ۾ واڌ ڪرڻ جو اعلان ڪرڻو آهي.
ٻئي پاسي پريس بريفنگ ۾ ناڻي واري وفاقي وزير مفتاح اسماعيل چيو ته اڳوڻي وزيراعظم عمران خان آءِ ايم ايف سان معاهد ختم ڪري ملڪ جو 2 سئو 33 ارب روپين جو نقصان ڪيو، عمران خان جي معاهدي مطابق پيٽرول جي قيمت هن وقت 70 سيڪڙو وڌيڪ هجي پر پر موجوده حڪومت پيٽروليم شين تي 5 کان 10 روپين جي ليوي لڳائي آهي.
تازه ترين
