جناح هائوس ۽ جي ايڇ ڪيو تي حملو پاڪستاني نٿو ڪري سگهي، اهو ملڪ دشمنن جو ڪم آهي: وزيراعظم
ڪوئٽه: (سومر:23 مئي 2023ع) وزيراعطم شهباز شريف چيو آهي ته ڪوبه پاڪستاني جناح هائوس ۽ جي ايڇ ڪيو تي حملو نٿو ڪري سگهي اهو دهشتگردن ۽ پاڪستان جي دشمنن جو ڪم آهي.
شهباز شريف ڪوئٽه ۾ راندين جي قومي مقابلن جي افتتاحي تقريب کي خطاب ڪندي چيو ته 9 مئي تي ملڪ جي تاريخ جو نه وسرندڙ واقعو پيش آيو جهڙي طرح دشمنن زيارت ۾ قائد جي گهر تي حملو ڪري ان کي تباهه ڪيو اهڙي طرح لاهور ۾ به جناح هائوس کي باهه ڏئي ساڙيو ويو. ڪوبه پاڪستاني اهو ڪم نٿو ڪري سگهي ۽ ائين ڪرڻ جو سوچي به نٿو سگهي. اهو دهشتگردن پاڪستان جي دشمنن جو ڪم آهي. هن چيو ته ريڊيو پاڪستان ۽ جي ايڇ ڪيو تي حملو پاڪستانيت ۽ حب الوطني نه پر کلي دهشتگردي ۽ ملڪ دشمني آهي. دشمن 75 سالن کان اهو ڪم نه ڪري سگهيا جيڪو 9 مئي تي ٿيو.
وزيراعظم چيو ته اسان کي اهڙا قدم کڻڻا پوندا جنهن سان اهڙو واقعو ٻيهر پيش نه اچي. قانون موجب ملوث ماڻهن کي سزا ڏني ويندي. جيئن ڪوبه اهڙي ڪم جي ٻيهر جرئت نه ڪري سگهي. وزيراعظم چيو ته اهڙي ڪُڌي حرڪت ۽ شهيدن جي توهين جي هميشه مذمت ٿيندي رهندي ۽ 9 مئي جو ڏينهن هميشه ملڪي تاريخ ۾ ڪاري ڏينهن طور ياد رکيو ويندو.
تازه ترين
