نيويارڪ: سومر 16 اپريل 2018ع: ريسلنگ جي ناليواري اسٽار جان سينا ۽ ان جي مڱيندي نڪي بيلا شادي کان هڪ مهينو اڳ عليحدگي اختيار ڪري ورتي آهي، ٻئي اسٽارز گذريل 6 سالن کان هڪ ٻئي سان گڏ آهن.
پرڏيهي ميڊيا موجب ريسلر نڪي بيلا پنهنجي ٽوئيٽر اڪائونٽ تي جاري هڪ پيغام ۾ جان سينا سان رشتو ٽوڙڻ جو اعلان ڪيو.
هن جو چوڻ هو ته ڇهه سال گڏ رهڻ کانپوءِ جان سينا ۽ مون الڳ ٿيڻ جو فيصلو ڪري ورتو آهي.
اهو فيصلو ڪافي ڏکيو هو پر اسان جي دلين ۾ هڪ ٻئي لاءِ عزت ۽ پيار هميشه رهندو.
اسان پنهنجن مداحن کان به اميد رکون ٿا ته اوهان به اسان جي فيصلي جو احترام ڪندو.