گمبٽ ۾ گهريلو اڻبڻت سبب نوجوان روهڙي ڪينال ۾ ٽپو ڏئي خودڪشي ڪري ڇڏي
گمبٽ: جمعو 12 جولاءِ 2019ع:گمبٽ جي ابل واهه جي مشهور واپاري اسرار علي مغل مبينا روهڙي ڪئنال ۾ ٽپو ڏئي خودڪشي ڪري ڇڏي، لاش جي ڳولا جاري.
ان موقعي تي ٻڌايو پيو وڃي ته روهڙي ڪئنال پل تي موٽر سائيڪل، قميض ۽ موبائل پل تي ڏسي، رڪشي ڊرائيور اهڙو اطلاع ڀر ۾ بيٺل چوڪيدار کي ڏنو، چوڪيدار ڀرسان، گمس اسپتال ۾ قائم ٿيل پوليس پڪٽ کي اطلاع ڏنو، جنهن بعد پوليس پڪٽ ون فاءِ انچارج ۽ گمبٽ ٿاڻي تي اطلاع ڏيڻ کانپوءِ پوليس ۽ ون فاءِ پوليس پهچي موٽر سائيڪل، قميض ۽ موبائل ٿاڻي تي آندو، جتي اسرار علي جي وارثن کي اطلاع ڏنو ويو.
جڏهن ته اسرار علي جي پيءُ گلزار احمد مغل ۽ چاچي مختيار مغل اسرار علي جي موٽرسائيڪل، موبائل ۽ قميض جي سڃاڻپ ڪري پوليس آڏو بيان ڏنو ته اسرار علي رات جو گهر مان ناراض ٿي ٻاهر نڪتو، جنهن کانپوءِ هن روهڙي ڪئنال ۾ ٽپو ڏئي خودڪشي ڪئي آهي، جڏهن ته اسرار علي جي لاش جي ڳولا جاري. ياد رهي اسرار علي مغل، مشهور واپاري گلزار احمد مغل جو وڏو پٽ ٻڌايو وڃي پيو.01
تازه ترين