شھدادپور: ڇنڇر 14 ڊسمبر 2019ع: تيل گئس ۽ ٻين قدرتي وسيلن سان مالا مال شھدادپور شھرجي الھيار ٽائون مھراڻ ٽائون مسلم ٽائون نئين بستي سھڻي ننگر ۽ علائقن اندر گھرن ۾ صبح منجھند ۽ رات جو گئس نہ ھئڻ برابر سبب رڌ پڇاء لاء عوام پريشان ٿي عذابن ۾ پئجي ڪاٺين تي رڌ پچاء ڪرڻ تي مجبور بڻجي ويو آھي.
اڪثر علائقن اندر اسڪولي ٻارڙا مزدور پورھيت ملازم ۽ ٻيا بنا ناشتي ۽ نيرن جي وڃڻ روز جو معمول بڻجي ويو آھي ان سلسلي ۾ شھرين احتجاج ڪندي چيو آھي تہ سوئي سدرن گئس انتظاميہ جي نااھلي سبب شھدادپور شھر اندر اڪثر وڏين ھوٽلن ۽ ٻين ڊھري علائقن اندررشوت عيوض ڪيترائي ڊائريڪٽ گئس جا ڪنيڪشن ڏئي ڇڏيا آھن.
جنھن سبب ميٽر وارن گھرن اندر گئس پريشر بلڪل زيرو ٿي ويو آھي ۽ عذابن ۾ آھيون ھنن اعلي اختيارين کان مطالبو ڪيو آھي تہ رڌ پچاء جي وقتن تي گئس جي بندش جو سختي نوٽيس وٺي گئس جي چوري ٿيڻ تي سخت ڪاروائي ڪري گھرن ۾ گئس جو پريشر وڌائي ازالو ڪيو وڃي.