اتر وزيرستان ۾ موٽرسائيڪل سوارن جي فائرنگ ۾ ٽي ڄڻا فوت
پشاور: خيبرپختونخواهه جي ضلعي اتر وزيرستان ۾ اڻڄاتل موٽر سائيڪل سوارن جي فائرنگ سبب 3 ڄڻا فوت ٿي ويا.
پوليس موجب فائرنگ جو واقعو اتر وزيرستان جي علائقي مير علي ۾ پيش آيو جتي اڻڄاتل موٽر سائيڪل سوار واٽهڙن کي نشانو بڻائي فرار ٿي ويا.
پوليس جو چوڻ آهي ته فوت ٿيلن جي سڃاڻپ زبيد الله، فرمان الله ۽ ملڪ نعمت الله جي نالن سان ٿي آهي.
پوليس موجب زبيد الله خان سي ايس ايس آفيسر آهي ۽ اسلام آباد ۾ مختلف عهدن تي رهيو آهي.
پوليس ٻڌايو ته زبيدالله اسلام آباد مان عيد ملهائڻ ڳوٺ آيو هو جتي مائٽن جي گهر کان پنڌ واپسي تي هن کي نشانو بڻايو ويو.
تازه ترين