ابو ظہبی: یو اے ای میں کورنا وائرس کے ٹیسٹ کی ایسی کٹ تیار کرلی گئی ہے جو 45 منٹ کے اندر رپورٹ دے سکتی ہے۔

عالمی میڈیا رپورٹ کے مطابق متحدہ عرب امارات (یو اے ای) میں خلیفہ ساینس اینڈ ٹیکنالو جی یونیورسٹی نے پورٹیبل کرونا ٹیسٹنگ کٹ تیار کی ہے جس کا حجم اسمارٹ فوں کے برابر ہے۔

اس حوالے سے خلیفہ سائنس اینڈ ٹیکنالوجی یونیورسٹی کے اسکالرز کی تیار کردہ پورٹیبل کرونا ٹیسٹنگ کٹ 45 منٹ کے اندر رپورٹ دیتی ہے۔

بتایا گیا ہے کہ کٹ میں پی سی آر ٹیکنالوجی استعمال کی گئی ہے، یہ ٹیکنالوجی مؤثر اور برق رفتار ہے۔

نئی ٹیسٹنگ کٹ صرف 45 منٹ میں وائرس کا پتہ لگا لیتی ہے۔ ماہرین نے بتایا ہے کہ پی سی آر ٹیسٹنگ ہمیشہ انتہائی درست ہوتی ہے اور وائرس کا پتہ لگانے کے لیے اعلیٰ ترین معیار میں اس کا استعمال پیچیدہ ہو سکتا ہے۔

ماہرین نے کرونا وائرس کا تیز اور حساس پتہ چلانے کے لیے نیا طریقہ استعمال کیا، یہ طریقہ روایتی پی سی آر کے طریقہ کار سے تیز ہے۔

خلیفہ سائنس اینڈ ٹیکنالوجی یونیورسٹی کے ماھرین نے کہا ہے کے ٹیسٹنگ کٹ کے لیے کسی قسم کے جدید آلات کی ضرورت نہیں کیونکہ کٹ مریض میں براہ راست کرونا وائرس کا پتہ لگاتی ہے۔

فی الحال یہ کٹ کلینیکل توثیق کے مرحلے میں ہے، جبکہ اس سے نہ صرف تیز رفتار ٹیسٹنگ کی جا سکتی ہے بلکہ یہ سستی بھی ہے۔ 002