اسلام آباد:  ڈپٹی چیئرمیں سینیٹ سلیم مانڈوی والا نے  وزیراعظم اور آرمی چیف کو کہا کہ  ملک کو بچائین ورنہ نیب اسے تباہ کردے گا۔ 

تفصیلات کے مطابق ڈپٹی چیئرمیں سینیٹ سلیم مانڈوی والا نے کہا کہ  قومی احتساب بیورو  (نیب) کے تمام افسران کے اثاثے عوام کے سامنے لانے کا اعلان کر دیا۔

اسلام آباد میں پریس کانفرنس کرتے ہوئے ڈپٹی چیئرمین سینیٹ سلیم مانڈوی والا کا کہنا تھا کہ پہلی بار ایسا ہے کہ سینیٹ آف پاکستان کو نیب سے مشکلات کا سامنا ہے، ممبر قومی اسمبلی اور سینیٹرز نیب کے ہاتھوں مشکلات کا شکار ہیں۔

ڈپٹی چیئرمین سنیٹ  سلیم مانڈوی والا  نے کہا کہ بند کمروں میں نیب انویسٹی گیشن کر کے لوگوں کو ذلیل کرتا ہے، اب میں اس معاملے کو سینیٹ کے فلور پر لا کر بحث کروں گا، نیب نے مجھ پر الزام لگایا کہ میں نے بےنامی ٹرانزیکشن کی، میں اسے دنیا کے سامنے لاؤں گا، چیئرمین نیب سے کہتا ہوں مجھ سے جو تفتیش کی گئی میں اس کی آڈیو ریلیز کریں۔

سلیم مانڈوی والا نے کہا کہ سپریم کورٹ نے بھی نیب کے بارے میں کہا کہ یہ بلیک میلنگ کرتی ہے، ہیومن رائٹس کمیٹی میں بھی نیب کے خلاف کیس اٹھایا گیا۔

سلیم مانڈوی والا  نے کہا کہ نیب جیسے ادارے جو انسانی حقوق کی خلاف ورزی کر رہے ہیں ان پر کیوں آواز نہیں اٹھائی جاتی؟ 

انہوں نے مزید کہا کہ جب میں آواز اٹھاتا ہوں تو نوٹس مل جاتا ہے، اگر یہ چیز بند نہیں ہو گی تو پاکستان کی معیشت منفی ہوتی جائے گی۔

انہوں نے کہا کہ انجینئر منگی کہتے ہیں کہ میں بزنس نہیں کرتا، میں 4 نسلوں سے بزنس ہی کر رہا ہوں، انجینئر منگی سے پوچھتا ہوں کہ آخر آپ کا کیا کام ہے میرے بزنس سے، انجینئر منگی کو بلا کر پوچھنا چاہیے کہ ان کی تقرری کس بنیاد پر ہوئی ہے۔   

سلیم مانڈوی والا نے کہا کہ میں نے تاجروں کو کہا ہے کہ میرے ساتھ نیب راولپنڈی چلیں اور مظاہرہ کریں، میں ہیومن رائٹس انٹرنیشنل کے ہر فورم  پر نیب کو لے کر جاؤں گا، مجھ پر نیب والے 10 کیس کریں، میں کورٹ میں ان کے خلاف لڑوں گا، میرے پاس تو تمام ریسورس ہیں لیکن عام آدمی نیب سے کیسے لڑے گا۔  

سلیم مانڈوی والا نے کہا کہ لوگوں سے پلی بارگین کی زیادتی کسی خاتون سے زیادتی کرنے سے زیادہ بڑی زیادتی ہے۔

واضح کر دوں کہ نیب کے ہر آفیسر کے اثاثے میں عوام کے سامنے لاؤں گا۔ 002