لاہور:(منگل:2021-01-12) قومی ٹیم کے کپتان بابر اعظم کا کہنا ہے کہ جنوبی افریقا کے خلاف سیریز میں ایکشن میں نظر آؤں گا۔  

لاہور میں ٹریننگ کے موقع پر میڈیا سے گفتگو میں بابر اعظم نے کہا کہ دو دن سے پریکٹس کر رہا ہوں، اب انگوٹھے میں تکلیف نہیں ہے۔ 

کپتان بابر اعظم  نے کہا کہ جنوبی افریقا کے خلاف میں ایکشن میں ہوں گا، پرجوش ہوں کہ اتنے عرصے کے بعد افریقا کی ٹیم پاکستان آرہی ہے لیکن کراؤڈ کو مس کریں گے، امید ہے وہ گھروں میں بیٹھ کر اسپورٹ کریں گے۔ 

انہوں نے بتایا کہ ٹیم سے باہر کے تین ہفتے میرے لئے مشکل تھے اور ہارتا دیکھنا تکلیف دہ تھا ٹیم کو میری ضرورت تھی لیکن انجری کھیل کا حصہ ہے۔  

 بابر اعظم کا کہنا تھا کہ جنوبی افریقا کے خلاف پازیٹو جائیں گے،  ایک سیریز میں خراب کارکردگی کے باوجود کھلاڑیوں کو بیک کرنا چاہیے، سلیکشن کمیٹی کے ساتھ بیٹھ کر کمبینیشن پر بات کریں گے، ٹیم بنانے کے لئی کھلاڑیوں کو تسلسل کے ساتھ موقع دینا پڑتا ہے۔  

قومی کپتان نے بتایا کہ نیوزی لینڈ میں قرنطینہ کے دن مشکل تھے اس کے سائیڈ ایفیکٹس ہوتے ہیں وہاں مشکل صورتحال کا سامنا تھا۔  

انہوں نے بتایا کہ محمد حفیظ سینئر کھلاڑی ہیں وہ غیر معمولی کھیل رہے ہیں، ٹیسٹ میں کھلانے کی بات نہیں ہوئی تھی۔  

بابراعظم کا مزید کہا کہ ٹیلنٹ پاکستان میں بہت ہے، عبداللہ شفیق مجھے پسند ہے،نوجوان کھلاڑی جتنا انٹرنیشنل کھیلیں گے اتنا فائدہ ہوگا۔002