خیرپور:(منگل:2021-01-12) پیر جو گوٹھ میں 7 سالہ بچی مونیکا لاڑک کو اغوا کرکے جنسی زیادتی کا نشانہ بنا دیا گیا۔

پیر جو گوٹھ میں سفاک ملزمان نے 7 سالہ بچی مونیکا لارک کو جنسی زیادتی کا نشانہ بنانے کے بعد موت کے گھاٹ اتار دیا جس پر ایس ایس پی خیرپور امیر سعود مگسی نے مونیکا لارک کے قتل کا سختی سے نوٹس لیتے ہوئے ملزمان کو گرفتار کرنے کے لیے ٹیم تشکیل دے دی۔

ایس ایس پی خیرپور امیر سعود مگسی نے ملوث ملزمان کو گرفتار کرنے کے لیے ایس پی ہیڈ کوارٹرز نوشیروان چانڈیو کی سربراہی میں ٹیم تشکیل دی ہے۔

پولیس نے کہا ہے کہ مونیکا لاڑک دو روز پہلے لاپتہ ہوئی تھی جس کے بعد اس کی لاش کھیتوں سے برآمد ہوئی، پوسٹ مارٹم رپورٹ کے مطابق بچی کو جنسی زیادتی کا نشانہ بنانے کے بعد گلا دبا کر قتل کیا گیا ہے۔

پولیس نے مزید بتایا کہ بچی کا تعلق غریب گھرانے سے ہے اور وہ گھروں میں جھاڑو پوچھے کا کام کرتی تھی اور کام سے واپس آتے ہوئے اغوا ہوئی تھی۔00