: ابوظہبی: (جمعرات:2021-01-14) متحدہ عرب امارات (یو اے ای) کی ائیرلائن نے اسرائیل جانے سے انکار پر پائلٹ کو معطل کردیا۔ 

میڈیا رپورٹس کے مطابق عرب امارات کی ائیرلائن امریٹس نے اسرائیل جانے سے انکار پر تیونس کے پائلٹ کو معطل کردیا، مونم صاحب التبا کے مطابق ایمریٹس ائیرلائن نے فلائٹ کو اسرائیلی کے دارالحکومت مقبوضہ بیت المقدس لے جانے کا کہنا تاہم انکار پر انہیں معطل کردیا گیا۔ 

غیر ملکی خبر رساں اداے کے مطابق تیونس سے تعلق رکھنے والی اماراتی ائیرلائن کے پائلٹ مونم صاحب التبا نے سماجی رابطے کی سائٹ فیس بک پر اپنی پوسٹ میں کہا کہ مجھے اپنے فیصلے پر پچھتاوا نہیں اور صرف اللہ ہی میرا مددگار ہے۔

میڈیا سے گفتگو میں  پائلٹ کا کہنا تھا کہ معطلی کے بعد انضباطی کمیٹی کے سامنے پیش ہونا ہے جب کہ ائیرلائن انتظامیہ کے دباؤ کے باعث انہوں نے اپنا فیس بک اکاؤنٹ بھی بند کردیا ہے۔

دوسری جانب تیونس میں سیاستدانوں کی طرف سے پائلٹ کے اس اقدام کو بے حد سراہا جارہا ہے۔

متعدد سیاسی جماعتوں کا کہنا ہے کہ پائلٹ کا اقدام اس بات کا ثبوت ہے کہ مسئلہ فلسطین ابھی بھی تیونس عوام کے دلوں میں ہے۔002