لاہور: (جمعرات:2021-01-14) پاکستان کے قومی کھلاڑی  امام الحق انجری کے باعث ساؤتھ افریقہ کیخلاف سیریز سے باہر ہوگئے ہیں۔ 

تفصیلات کے مطابق امام الحق کی انگوٹھے کی ایکسرے رپورٹ آگئی ہے جس کے مطابق انگوٹھے کا فریکچر ٹھیک نہیں ہوسکا ہے۔

ڈاکٹرز نے کرکٹر کومزید ڈیڑھ ہفتہ آرام کا مشورہ دیا اور پریکٹس سے سختی سے منع کیا ہے۔ 

نیوزی لینڈ کے دورے کے دوران امام الحق بائیں ہاتھ کے انگوٹھے پر گیند لگی تھی اور وہ ایک بھی میچ نہیں کھیل سکے تھے۔  

جنوبی افریقہ کے خلاف سیریز کے لئے قومی ٹیسٹ ٹیم کا اعلان پندرہ جنوری کو ہوگا۔

چیف سلیکٹر قومی کرکٹ ٹیم محمد وسیم نے کہا ہے کہ ابتدائی طور پر بیس رکنی ٹیسٹ اسکواڈ کا اعلان کیا جائے گا۔ 

 محمد وسیم نے کہا کہ قومی کرکٹ ٹیم کے مطابق سب سے پہلے سلیکشن کمیٹی میں شامل تمام چھ ہیڈ کوچز سے مشاورت کی ہے۔  

دوسری جانب ہیڈ کوچ مصباح الحق اور کپتان قومی کرکٹ ٹیم بابر اعظم سے بھی مشاورت کی گئی ہے۔ 

جنوبی افریقہ کے خلاف سیریز کے لیے دورہ نیوزی لینڈ اور ڈومیسٹک کرکٹ میں کھلاڑیوں کی کارکردگی کا مکمل جائزہ لیا گیا ہے۔002  

ان کا کہنا تھا کہ ٹیم منیجمنٹ اور سلیکشن کمیٹی کی مشاورت کے بعد حتمی سولہ رکنی ٹیسٹ اسکواڈ کا اعلان بعد میں کیا جائے گا۔002