لندن: (ہفتہ:2021-02-06) آپ کا زیادہ وزن آپ کو زندگی کی زیادہ بہاریں دیکھنے میں مدد فراہم کر سکتا ہے۔ 

غیر ملکی خبر رساں ایجنسی کے مطابق ایک نئی تحقیق سامنے آئی ہے کہ اگر آپ اپنا وزن جوانی کے بعد آہستہ آہستہ بڑھاتے ہیں تو آپ زیادہ عرصے تک زندہ رہ سکتے ہیں۔ 

اوہائیو اسٹیٹ یونیورسٹی کے ریسرچر نے 31 سے 80 سال کی عمر کے افراد کو دو حصوں میں تقسیم کر کے ان پر ریسرچ کیا۔ تو معلوم ہوا جن لوگوں کا جوانی میں وزن کم تھا اور بعد میں ان کا وزن بڑھ گیا تو انہوں نے اپنی زندگی میں زیادہ بہاریں دیکھیں۔ 

وزن میں اضافہ کرنے والے افراد ان لوگوں کی نسبت زیادہ عرصہ زندہ رہے جنہوں نے اپنا وزن بڑھنے نہیں دیا۔ جوانی کے بعد وزن بڑھانے والوں کی عمریں دبلے افراد سے زیادہ ہوتی ہیں۔ 

ریسرچ میں بتایا گیا کہ وہ افراد جنہوں نے اپنے وزن کو بڑھایا وہ ان افراد سے زیادہ عرصے تک زندہ رہے جنہوں نے اپنی زندگی معتدل وزن کے ساتھ گزاری۔

اس کے برعکس جن لوگوں کا وزن زیادہ تھا اور انہوں نے بعد میں بھی اپنا وزن بڑھایا ایسے لوگوں میں اموات کی شرح زیادہ پائی گئی۔002