راولپنڈی: (اتوار:2021-02-07) راولپنڈی ٹیسٹ کی دوسری اننگز میں محمد رضوان کی شاندار سنچری کی بدولت پاکستان نے جنوبی افریقا کو جیت کے لیے 370 رنز کا ہدف دیا ہے۔ 

راولپنڈی ٹیسٹ کے چوتھے روز پاکستان نے اپنی دوسری اننگز 129 رنز 6 کھلاڑی آؤٹ پر شروع کی تو محمد رضوان 28 اور حسن علی صفر کے ساتھ وکٹ پر موجود تھے۔ 

پاکسان کے کھلاڑی حسن علی 5 رن بنا کر مہاراج کا شکار ہو گئے جبکہ یاسر شاہ 23 رنز کی اننگز کھیل کر آؤٹ ہوئے لیکن دوسری جانب محمد رضوان اپنا اور ٹیم کا اسکور آگے بڑھاتے رہے اور انہوں نے اپنی ففٹی مکمل کی۔