مٹھی: (اتوار:2021-02-14) ضلع  تھرپارکر میں خودکشیوں میں تیزی سے اضافہ ہو رہا ہے، گزشتہ 13 ماہ کے دوران 125 سے زائد خواتین گلے میں پھندا یا کنویں میں گر کر جانیں گنوا بیٹھیں۔  

ضلع تھرپارکر میں مسائل حل ہونے کا نام نہیں لے رہے ہیں، ایک جانب بچے خواتین اور شہری مختلف بیماریوں کے باعث انتقال کر رہے ہیں تو دوسری جانب غربت، افلاس، رسم و رواج اور سماجی دوریوں کے باعث نوجوان خواتین خودکشیاں کرنے  پر مجبور ہیں۔

رپورٹ کے مطابق گزشتہ سال محکمہ صحٹ غیر سرکاری تنظیم کے درمیاں ذہنی  صحت سے متعلق آگاہی کے لیے معاہدے پر عمل درآمد نہ ہونے کے باعث تھرپارکر میں خودکشی کے واقعات رک نہ سکے۔ 

مٹھی میں ایک ورکشاپ کا انعقاد کیا گیا جہاں ماہرین نفسیات، سول سوسائیٹی اور غیرسرکاری تنظیموں نے خودکشی کے عوامل اور مسائل پر گفتگو کی۔ 

گزشتہ سال محکمہ صحت غیر سرکاری تنظیم کے درمیاں ذہنی صحت سے متعلق آگاہی کے لیے معاہدے پر عمل درآمد نہ ہونے کے باعث تھرپارکر میں خودکشی کے واقعات رک نہ سکے۔ 

 سماجی اور اقتصادی مسائل کو حل کیے بغیر تھر میں خودکشی کے واقعات کو روکنا ممکن نہیں تاہم کمیونٹی میں آگاہی مہم کے ذریعے ان واقعات کو کم ضرور کیا جا سکتا ہے۔002