جنوبی وزیرستان: (جمعہ:2021-02-26) جنوبی وزیرستان کے علاقے شرونگئی اور طیارزہ میں پاک فوج نے آپریشن کیا ہے۔ 

پاک فوج کے شعبہ تعلقات عامہ (آئی ایس پی آر) کے مطابق آپریشن دہشت گردوں کی موجودگی کی اطلاع ملنے پر کیا گیا۔ 

آپریشن کے دورنا فائرنگ کے تبادلے میں کالعدم ٹی ٹی پی کا کمانڈر نورستان عرف حسن بابا ہلاک ہوگیا ہے۔ 

آئی ایس پی آر نے بتایا کہ ہلاک دہشت گرد بڑے عرصے سے سیکیورٹی فورسز کو مطلوب تھا۔ 

کمانڈر نورستان عرف حسن بابا آئی ای ڈی کا ماہر اور دہشت گردی کی وارداتوں میں ملوث تھا۔  آئی ایس پی آر کے مطابق ہلاک دہشت گرد نورستان دہشت گردوں کا ماسٹر ٹرینر تھا۔

2007میں50سےزائد سیکیورٹی اہلکاروں کی شہادت میں بھی ملوث تھا۔ 

پاک فوج نے گزشتہ ہفتے بھی شمالی وزیرستان کے علاقے ملک خیل میں آپریشن کے دوران مطلوب کمانڈر رحمت عرف خالد سمیت 2 دہشت گردں کو ہلاک کیا تھا۔ 

دہشتگردوں سے فائرنگ کے تبادلے میں حوالدار شہزاد رضا شہید ہوگئے تھے۔002