سکھر:(ہفتہ:2021-02-27) سی ٹی ڈی سندھ اور وفاقی حساس ادارے نے سکھر میں مشترکہ کارروائی کرتے ہوئے فائرنگ کے تبادلے میں کالعدم تنظیم کے دو مبینہ دہشت گرد ہلاک کردیئے۔

تفصیلات کے مطابق جمعے اور ہفتے کی درمیان شب سی ٹی ڈی سندھ اور وفاقی حساس ادارے نے سکھر میں تھانہ پٹنی کے علاقے میں دہشت گردوں کی اطلاع پر چھاپہ مارا تو وہاں موجود دہشت گردوں نے فائرنگ شروع کردی جس کے بعد سی ٹی ڈی سندھ اور حساس ادارے کے اہلکاروں نے پورے علاقے کو گھیرے میں لے لیا اور جوابی فائرنگ کی جس کے نتیجے میں دو دہشتگردوں کو زخمی حالت میں گرفتار کرلیا جنہیں فوری طور پر تعلقہ اسپتال روھڑی منتقل کردیا گیا جہاں دونوں زخمی دوران علاج ہلاک ہوگئے۔

اس حوالے سے انچارج سی ٹی ڈی مظہر مشوانی نے بتایا کہ ہلاک ہونے والے ملزمان کی شناخت ولایت زیب ولد نوران زیب اور شاہ محمود ولد پیوند خان کے نام سے کر لی گئی ہے جن کا تعلق کالعدم تنظیم تحریک طالبان پاکستان سے ہے۔

انھوں نے بتایا کہ مقابلے میں مارے جانے والے دہشت گردوں کا پوسٹ مارٹم بھی مکمل کر لیا گیا ہے جن کے قبضے سے دو پستول اور ایک بیگ بھی ملا ہے۔00