news-details

1000 سے زائد قیدیوں کو سزائے موت دینے والا جلاد چل بسا

قائرہ: (پیر:2021-04-26) 1000 سے زائد سزائے موت کے قیدیوں کو موت کے گھاٹ اتارنے والا مصر کا عالمی ریکارڈ یافتہ جلاد حسین قرنی عرف عشماوی انتقال کر گیا۔  

غیر ملکی خبر رساں ادارے کے مطابق عشماوی کا شمار مصر کے مشہور جلادوں میں ہوتا تھا جس نے سزائے موت کے 1070 قیدیوں کو موت کی سزا پر عمل درآمد کراتے ہوئے انہیں منطقی انجام تک پہنچایا۔  

2 دہائیوں تک قیدیوں کو موت کی ابدی نیند سلانے کی ملازمت سے وابستہ عشماوی کو پھانسی کے مناظر انجام دینے کے لیے متعدد فلموں اور سیریز میں بھی استعمال کیا گیا۔

حسین قرنی نے اپنی ملازمت کے دوران جن 1070 قیدیوں کی سزائے موت کے فیصلے پر عملدرآمد کروایا ان میں 20 فیصد وہ خواتین بھی شامل ہیں جنہوں نے اپنے شوہروں کو قتل کیا۔