news-details

سندھ حکومت نے موٹرسائیکل کی ڈبل سواری پرعائد پابندی ختم کردی

کراچی:(ھفتہ: 31 جولائي 2021) سندھ حکومت نے موٹرسائیکل کی ڈبل سواری پر عائدپابندی ختم کردی، اس حوالے سے ایڈیشنل آئی جی کراچی نے بھی حکم نامہ جاری کر دیا ہے۔ تفصیلات کے مطابق سندھ حکومت نے لاک ڈاؤن کے دوران موٹرسائیکل کی ڈبل سواری پرپابندی ختم کردی اور نوٹیفکیشن بھی جاری کردیا ہے۔


سندھ حکومت کی جانب سے گاڑی میں دوسے زائدافراد نہ بیٹھانے اور صبح 6سے شام 6بجے تک بیکری و ملک شاپ کھولنے پر سے بھی پابندی ختم کردی گئی۔ دوسری جانب اس حوالے سے ایڈیشنل آئی جی کراچی کی جانب سے حکم نامہ جاری کر دیا گیا ہے ، جس میں کہا ہے کہ کراچی میں کسی کو ڈبل سواری پر نہ روکا جائے، احکامات ڈسٹرکٹ اور ٹریفک پولیس کو دیے گئے ہیں۔


خیال رہے کراچی میں لاک ڈاؤن کے پہلے روز پابندی کے باوجودموٹرسائیکل سوار ڈبل سواری پر ںظر آئے، جس کے بعد ٹریفک پولیس نے قانون شکنی کروانے والے شہریوں کیخلاف ایکشن لیتے ہوئے فی موٹرسائیکل تین تین چالان کاٹنا شروع کردیے تھے۔ ٹریفک پولیس کا کہنا تھا کہ پہلا چالان ڈبل سواری، دوسرا ہیلمٹ تیسرا ماسک پر کیا گیا ، ماسک کاچالان520،ہیلمٹ کا170اورڈبل سواری پر520روپےکاچالان ہے۔