news

حکومتِ پاکستان کا 12 سال سے زائد عمر تک کے بچوں کی ویکسینیشن شروع کرنے کا فیصلہ

اسلام آباد: (منگل: 28 ستمبر2021) حکومتِ پاکستان نے 12 سال اور اس سے زائد عمر تک کے بچوں کی ویکسی نیشن شروع کرنے کا فیصلہ کرلیا ، اس سلسلے میں اسکولوں میں ویکسینیشن کے لیے خصوصی مہم چلائی جائے گی۔

تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے بیان میں کہا ہے کہ 12سال اوراس سے زائدعمر کے افراد کی ویکسینیشن شروع کرنے کا فیصلہ کرلیا گیا ہے۔

فیصلہ این سی او سی کی میٹنگ میں کیا گیا۔ اسدعمر کا کہنا تھا کہ ا سکولوں میں ویکسینیشن کےلیےخصوصی مہم چلائی جائے گی، خصوصی مہم کےذریعےبچوں کی ویکسینیشن آسان ہوگی۔


رواں ماہ ہی حکومت پاکستان نے کوروناویکسی نیشن کیلئےعمر کی حد میں مزید کمی کا فیصلہ کرتے ہوئے 15سال عمرکےبچوں کی ویکسی نیشن شروع کی تھی۔