news-details
اسلام آباد

ملک میں ڈینگی کے حملے جاری، پنجاب میں 4، اسلام آباد میں ایک مریض دم توڑ گیا

لاہور:(بدھ 24 نومبر 2021ع) ملک میں ڈینگی کے حملے جاری ہیں۔ پنجاب میں مزید 4 جبکہ اسلام آباد میں ایک مریض دم توڑ گیا۔
محکمہ صحت کی رپورٹ کے مطابق پنجاب میں مزید 213 کیسز رپورٹ ہوئے، جس کے بعد ڈینگی کے مجموعی کیسز کی تعداد 24 ہزار 146 ہوگئی۔ صوبے بھر میں اب تک 127 افراد زندگی کی بازی ہار چکے۔
دوسری جانب خیبر پختونخوا میں بھی کیسز میں اضافہ ہوگیا ہے، مزید 52 مریض سامنے آئے، صوبے میں ڈینگی سے متاثرہ افراد کی تعداد 10 ہزار 169 ہے۔