کراچی مثبت کیسز کی شرح 35.30 فیصد ہوگئی، اومی کرون کے مزید 23 کیسز سامنے آگئے

news-details

کراچی:(هفتہ: 15 جنوری 2022) کراچی میں کوررونا مثبت کیسز کی شرح بلند ترین سطح پر پہنچ گئی۔ شہر قائد میں اومی کرون کے مزید 23 کیسز سامنے آگئے۔ اب تک کراچی میں اومی کرون کے 430 کیسز کی تصدیق ہوچکی ہے۔
کراچی میں مثبت کیسز کی شرح 35.30 فیصد ہوگئی۔ گزشتہ 24 گھنٹوں میں 2 ہزار 846 کیسز رپورٹ ہوئے۔ مظفرآباد میں مثبت کسیز کی شرح 11.9، راوالپنڈی میں 9.9، لاہور میں 8.5، پشاور میں 5.4، حیدرآباد میں 5.1 فیصد رپورٹ کی گئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 4 افراد جاں بحق ہوگئے، جس کے بعد اموات کی تعداد 29 ہزار 3 ہوگئی۔ پاکستان میں کورونا کے تصدیق شدہ کیسز کی تعداد 13 لاکھ 20 ہزار 120 ہوگئی۔