ڈالر کی مسلسل پستی: انٹر بینک میں روپے کی قدر میں بہتری کا سلسلہ جاری
کراچی : (بدھ: 05 اکتوبر2022ء) انٹر بینک میں روپے کی قدر میں بہتری کا سلسلہ جاری ہے، آج بھی ڈالر کی قیمت میں کمی کا رجحان دیکھنے میں آرہا ہے۔ فاریکس ڈیلرز ایسوسی ایشن کے مطابق انٹر بینک میں ڈالر 1 روپے 64 پیسے تک سستا ہوگیا، ڈالرانٹربینک میں 224 روپے پر ٹریڈ ہو رہا ہے۔
ڈالر کی قیمت کم ہونے سے بیرونی قرصوں کے بوجھ میں 200 ارب روپے کمی ہوئی ہے۔ واضح رہے کہ 22 ستمبر سے ڈالر کی قیمت میں 15.71روپے کی کمی ہوئی، 22 ستمبر کو ڈالر 239 روپے 71 پیسے پر تھا۔
دوسری جانب پاکستان اسٹاک ایکسچینج میں 100 انڈیکس میں 177 پوائنٹس کا اضافہ ہوا ہے، کاروبار کے دوران انڈیکس 41 ہزار 527 کی بلند ترین سطح پر پہنچ گیا۔
حالیہ خبریں
