news-details

پی ٹی آئی جلسہ اور دھرنے کی اجازت : اسلام آباد انتظامیہ نے شرائط نامہ تیار کرلیا

اسلام آباد: (جمعرات: 03 نومبر2022ء) اسلام آباد کی انتظامیہ نے پاکستان تحریک انصاف (پی ٹی آئی) کے لیے چار صفحات پر مشتمل شرائط نامہ تیار کرلیا۔ شرائط نامے کے مطابق پی ٹی آئی کے چئیرمین عمران خان بیان حلفی پر دستخط کریں گے، جلسے کی اجازت ایک دن کے لیے ہوگی، جلسے میں لاؤڈ سپیکر کا استعمال ممنوع ہو گا اور کسی قسم کا اسلحہ نہیں لایا جائے گا، جلسے میں مذہب سے متعلق بیانات سے گریز کیا جائے گا۔
انتظامیہ کے شرائط نامے کے مطابق جلسے کے سٹیج پر جو 12 افراد موجود ہوں گے ان کی اجازت انتظامیہ دے گی، جلسے یا مارچ میں کوئی قومی یا پارٹی پرچم نذر آتش نہیں کیا جائے گا۔ انتظامیہ کا کہنا ہےکہ پی ٹی آئی جلسے میں لاؤڈ اسپیکر کا استعمال ممنوع ہوگا اور جلسے میں مذہب سے متعلق بیان بازی سے گریزکرنا ہوگا جب کہ جلسے میں کسی قسم کا اسلحہ لانے کی اجازت نہیں ہوگی۔