توہین عدالت کیس: عمران خان نے سپریم کورٹ میں التواء کی درخواست دائر کر دی
اسلام آباد: (هفتہ: 05 نومبر2022ء) چیئرمین پاکستان تحریک انصاف عمران خان نے سپریم کورٹ میں توہین عدالت کیس کے التواء کی درخواست دائر کر دی۔ سپریم کورٹ میں چیئرمین پی ٹی آئی عمران خان کے وکیل سلمان اکرم راجہ نے توہین عدالت کیس میں التواء کی درخواست دائر کی۔
وکیل نے درخواست میں کہا کہ میرا مؤکل افسوسناک واقعے کی وجہ سے ہسپتال میں داخل ہے جس کی وجہ سے معاملے پر جواب جمع کرانا ممکن نہیں، استدعا ہے کہ مقدمہ کو فی الحال سماعت کیلئے مقرر نہ کیا جائے۔ عمران خان کے وکیل کی جانب سے استدعا کی گئی ہے کہ مقدمےکو فی الحال سماعت کے لیے مقرر نہ کیا جائے۔
یاد رہے کہ یاد رہے کہ گزشتہ سماعت کے موقع پر سپریم کورٹ نے عمران خان سے 25 مئی کے واقعات پر ہفتے تک جواب طلب کرتے ہوئے کہا تھا جو کچھ اس روز ہوا وہ دوبارہ نہیں ہونا چاہیے۔ سپریم کورٹ آف پاکستان نے توہین عدالت کیس میں عمران خان سے آج ہفتے تک جواب طلب کیا تھا، سپریم کورٹ نے کہا تھا کہ ہفتے کو ہی آئندہ سماعت کی تاریخ مقرر کرینگے۔
حالیہ خبریں
