سندھ میں بلدیاتی انتخابات: حساس پولنگ سٹیشنز پر فوج و رینجرز کی تعیناتی سے حکومت نے معذرت کر لی
اسلام آباد: (بدھ: 11 جنوری2023ء) سندھ میں بلدیاتی انتخابات میں حساس پولنگ سٹیشنز پر فوج و رینجرز کی تعیناتی سے حکومت نے معذرت کر لی۔ ذرائع کے مطابق وزارت داخلہ کی جانب سے الیکشن کمیشن کو خط لکھ دیا گیا جس میں وفاقی حکومت نے اپنے فیصلے سے الیکشن کمیشن کو آگاہ کرتے ہوئے کہا ہے کہ جی ایچ کیو نے فوج اور رینجرز کی پولنگ سٹیشنز پر تعیناتی سے معذرت کرلی ہے۔
جی ایچ کیو راولپنڈی نے سندھ میں 15 جنوری کو شیڈول بلدیاتی انتخابات میں فوجی اور رینجرز کی پولنگ اسٹیشنز پر تعیناتی سے معذرت کرلی ہے۔ اس حوالے سے وفاقی حکومت نے الیکشن کمیشن کو آگاہ کردیا ہے، اور وزارت داخلہ کی جانب سے الیکشن کمیشن کو خط لکھ دیا گیا ہے۔
وزارت داخلہ کی جانب سے خط میں بتایا گیا ہے کہ حساس ترین اور حساس پولنگ سٹیشنز پر تعیناتی کے لیے 20 ہزار اہل کار درکار ہوں گے، جی ایچ کیو کے مطابق اتنی بڑی تعداد میں اہل کار فراہم نہیں کر سکتے۔ الیکشن کمیشن کو لکھے گئے خط میں کہا گیا ہے کہ فوج اور رینجرز صرف کوئک رسپانس فورس کے طور پر تعینات ہو گی۔
حالیہ خبریں
