نمائشی میچ میں کوئٹہ گلیڈی ایٹرز نے پشاور زلمی کو 3 رنز سے ہرادیا
کوئٹہ: (اتوار: 05 فروری 2023ء) کوئٹہ کے بگٹی سٹیڈیم میں ہونے والے نمائشی میچ میں کوئٹہ گلیڈی ایٹرز نے پشاور زلمی کو 3 رنز سے شکست دے دی۔ کوئٹہ گلیڈی ایٹرز کے 184 رنز کے جواب میں پشاور زلمی 181 بناسکی اکبر بگٹی کرکٹ اسٹیڈیم میں کوئٹہ گلیڈی ایٹرز اور پشاور زلمی کے درمیان دوستانہ ٹی 20 میچ کھیلا گیا۔ اس مقابلے کو دکھنے کے لیے کوئٹہ کے ہزاروں افراد نے اسٹیڈیم کا رخ کیا۔
کوئٹہ گلیڈی ایٹرز نے مقررہ 20 اوورز میں 5 وکٹوں کے نقصان پر 184 رنز بنائے اور پشاور زلمی کو جیت کے لیے 185رنز کا ہدف دیا۔ کوئٹہ گلیڈی ایٹرز کی اننگز کی خاص بات افتخار احمد کے 50 گیندوں پر 94 رنز بنائے، جس میں وہاب ریاض کو ایک ہی اوور میں 6 چھکے بھی شامل تھے۔ جواب میں پشاور زلمی نے بھی بھرپور جواب دیا لیکن 181 رنز ہی بناسکے۔ محمد حارث نے53 رنز کی اننگز کھیلی جب کہ شاہد آفریدی نے 25 اور بابر اعظم نے 23 رنز اسکور کئے۔ کوئٹہ کی جانب سے محمد حسنین نے 3 اور افتخار احمد نے 2 وکٹیں لیں۔
افتخار احمد نے جارحانہ اننگز کھیلتے ہوئے 50 بالز پر 94 رنز بنائے، انہوں نے وہاب ریاض کو ایک اوور میں 6 گیندوں پر 6 چھکے لگانے کا بھی کارنامہ سرانجام دیا، اس کے علاوہ خوشدل شاہ 36 اور بنگلزئی 28 رنز بنا کر نمایاں رہے، پشاور زلمی کے وہاب نے 3 وکٹیں حاصل کیں۔ پشاور زلمی 185 رنز کا ہدف حاصل کرنے میں ناکام رہی اور پوری ٹیم 20 اوورز میں 7 وکٹوں کے نقصان پر 181 رنز بنا سکی، کپتان بابر اعظم 23 اور شاہد آفریدی 25 رنز بنا کر آؤٹ ہوئے، محمد حارث 53 رنز بنا کر نمایاں رہے۔
حالیہ خبریں
