بلوچستان میں بارش اور سیلاب کے باعث 10 افراد جاں بحق
کوئٹہ: (اتوار: 19مارچ 2023 ء) بلوچستان کے ضلع آواران اور ژوب میں بارشوں کے بعد آنے والے سیلاب کے باعث 10 افراد جاں بحق ہوگئے۔ محکمہ موسمیات کے مطابق 24 گھنٹوں میں خضدارمیں 10، قلات میں 9، کوئٹہ میں 3، دالبندین میں5، بارکھان میں 4، پنجگور اور پشین میں 3، 3 اور ژوب میں 2 ملی میٹربارش ریکارڈ کی گئی۔
اس کے علاوہ سندھ کے مختلف علاقوں دادو، میہڑ، جوہی، خیرپورناتھن شاہ اور پڈعیدن میں بھی بارش ہوئی ہے۔ محکمہ موسمیات کا کہنا ہے کہ آج سندھ ، جنوبی پنجاب، بلوچستان، خیبر پختونخوا، کشمیر اور گلگت بلتستان میں کہیں کہیں بارش ہو سکتی ہے۔
ڈپٹی کمشنر آواران کا کہنا تھا کہ جمعہ اور ہفتہ کی درمیانی شب ایک ہی خاندان سے تعلق رکھنے والے افراد آواران سے جھاؤ کی طرف سفر کر رہے تھے کہ سیلابی ریلے نے ان کی گاڑی کو اپنی لپیٹ میں لے لیا۔ جس سے گاڑی میں سوار عزیز اللہ، منیر احمد، عائشہ بی بی، نور زادی، سیما بی بی، حبیبہ بی بی، مسیر احمداور محسن جان کی بازی ہار گئے۔
حالیہ خبریں
