ڈالر کی تنزلی کا سلسلہ جاری،6 ہفتے کی کم ترین سطح پر آگیا
کراچی: (پیر:25ستمبر2023ء) انٹربینک میں ڈالر مزید سستا ہو کر 6 ہفتے کی کم ترین سطح پر آگیا۔ کاروباری ہفتے کے پہلے دن انٹربینک میں امریکی کرنسی کی قیمت میں ایک روپیہ 6 پیسے کی کمی ہوئی ہے جس کے بعد انٹربینک میں ڈالر 290 روپے 82 پیسے کی سطح پر ٹریڈ کر رہا ہے۔
دوسری جانب پاکستان سٹاک ایکسچینج میں بھی کاروباری ہفتے کے پہلے روز مثبت رجحان دیکھا گیا ہے۔ پیر کے روز پی ایس ایکس میں 151 پوائنٹس کی تیزی کے ساتھ کاروبار کا آغاز ہوا تو کے ایس ای 100 انڈیکس بڑھ کر 46572 پوائنٹس کی سطح پر آ گیا۔
واضح رہے کہ گزشتہ کاروباری ہفتے کے آخری روز انٹربینک میں ڈالر 291 روپے 76 پیسے پر بند ہوا تھا۔ادھر اوپن مارکیٹ میں بھی ڈالر کی قیمت میں 2 روپے کمی ہوئی ہے جس کے بعد اوپن مارکیٹ میں ڈالر 293 روپے پر فروخت ہو رہا ہے۔
حالیہ خبریں
