قومی کرکٹ ٹیم کی بھارت میں شیڈول ورلڈکپ کیلئے روانگی کا شیڈول منظر عام پر آگیا
لاہور: (منگل:26ستمبر2023ء)بھارت میں شیڈول ورلڈکپ کیلئے قومی کرکٹ ٹیم کی روانگی کا شیڈول منظر عام پر آگیا۔قومی کرکٹ ٹیم بھارت میں شیڈول ورلڈکپ کیلئے آج رات لاہور کے علامہ اقبال انٹرنیشنل ائیرپورٹ سے رات 9 بجے دبئی کیلئے روانہ ہوگی بعدازاں مختصر قیام کے بعد حیدرآباد پہنچے گی۔
نجی چینل کے مطابق قومی کرکٹ ٹیم کی بھارت میں شیڈول ورلڈکپ کیلئے روانگی کا شیڈول منظر عام پر آگیا۔ بھارت کی جانب سے قومی ٹیم کے ویزوں میں تاخیر کے باعث دبئی میں قیام مختصر کردیا گیا ہے۔ بھارتی حکام نے گزشتہ روز پاکستان کرکٹ بورڈ (پی سی بی) کے انٹرنیشنل کرکٹ کونسل (آئی سی سی) کے احتجاج کے بعد 33 رکنی اسکواڈ اور سپورٹ اسٹاف کے ویزے جاری کیے تھے۔
بھارتی میڈیا کی رپورٹس میں دعویٰ کیا گیا ہے کہ محض 250 پاکستانی شائقین کو ویزے دیئے جائیں گے۔ واضح رہے کہ قومی ٹیم کو 29 سمتبر کو نیوزی لینڈ کے خلاف وارم اَپ میچ میں بھی حصہ لینا ہے۔
حالیہ خبریں
